打工一族壓力大，不少人面對「返工症候群」，一諗起要返office就心情低落。近日有網民在討論區「連登」發文大呻，指自己因返工「好攰、好大壓力」，車程要一個半鐘，返到屋企瞓覺時間「亂晒龍」，直言「一諗返工就心嗡」，更揚言如果公司要求增加返office日數，自己會「即刻劈炮唔撈」。
網民呻返公司根本多餘
事主坦言，除咗返工時間外，生活其實「好充實」，問題在於返office嘅「所謂儀式」根本冇意思。佢強調，疫情期間已證明 在家工作（WFH）同樣有效率，但好多公司仍堅持要求員工回到辦公室，令佢覺得「真係好陰公」。
以前為生存，依家係剝削
帖文引起大批網民共鳴，有人指出，以前人返工多數係為咗養家，「以前生活無咁多娛樂，真係為生計，分分鐘小學畢業就要出社會」。
但佢批評現代職場文化，老闆「只係想搾乾員工，完全唔當佢哋係人」，仲舉例「打風都要返工嘅基層」，形容現代職場根本係一種壓榨。
其實都係習慣問題
不過亦有網民認為，長時間工作係由細開始訓練，「小學每日返學8個鐘，中學六年都係朝八晚四，大學仲要兼part-time」。
佢指能否捱落去「係習慣問題」，只要慢慢適應，加上懂得偷時間休息，「返學又好返工又好，都要識飲啖水、去下廁所、發下白日夢」。
「無必要同前代比較」
有網民提醒，不需要將自己與前幾代人比較，「以前人返工係為生存，但依家唔一定要咁chur爆自己」。有人直言：「有資源就過自己想過嘅生活，唔好為人而活，更加唔洗幫啲淨係壓榨人嘅公司。」
網民點出環境轉變：
-以前冇咁多寫字樓工，大多體力勞動；
-過去無電腦，工作必須返公司處理文件；
-而家網絡已普及，理論上WFH一樣做到嘢，但問題係老闆心態未轉變。
有人慨嘆讀書時已經burnout
部分網民更認為，香港年輕人由讀書時期已經被壓榨，「細個已經每日返學再補習，星期六日都要學興趣班，去到大學仲要返part-time」，形容「我哋呢代讀書嗰陣已經burnout，仲邊有動力去返工？」
討論反映了不同世代對「返工文化」的認知差異。上一輩人認為「捱」係生存所需，但年輕人眼中，返工只是制度性枷鎖，甚至質疑「返office」是否有實際意義。當WFH已被證明有效率，僱主與打工仔如何在 工作效率、公司文化及員工心理健康 之間找到平衡，將成為未來職場的重要課題。
好工推介
職場熱話
- 1
- 2
-
德國打工仔每年平均請病假達14.8日 政府擬改革制度 首日病假扣薪 少請假者可獲獎金
TOP 1 -
衞生署招聘牙科手術助理員 月薪最高$38,715 無須牙科資歷 中學學歷可申請
TOP 2 -
面對困難容易萌生辭職念頭？ 3大方法調適壓力
TOP 3 -
80％打工仔習慣「先問AI、後問上司」 66％擔心在上司面前顯得能力不足
TOP 4 -
AI改寫職場生態？LinkedIn提出「5Cs能力」 人類優勢反成最大本錢！
TOP 5
-
最離奇職場欺凌事件？日本消防員強迫下屬玩35小時自製桌遊 被紀律處分
TOP 6 -
澳洲調查：四分三打工仔唔檢查假期結餘＋糧單 隨時損失數千元
TOP 7 -
THEi高科院首度牽頭舉辦 「大灣區高校調酒大賽」 聯動逾30間內地院校 構建餐飲酒店業交流高地
TOP 8 -
生育率創新低 逾七成受訪者不願生育 經濟壓力成最大阻力
TOP 9 -
建造業議會估計2030／31年度總工程量最多可達3600億 機械操作及機電安裝等或缺人
TOP 10
